ఏ2టీవీ న్యూస్ నర్సాపూర్ ప్రతినిధి (మల్పర్తి రాంచందర్)
మెదక్ జిల్లా డివిజన్ కేంద్రమైన నర్సాపూర్ పట్టణానికి చెందిన శ్రీకృష్ణ అనే యువకుడు సినీ రంగంలో గేయ రచయితగా రాణిస్తున్నాడు. ఇప్పటికీ రెండు సినిమాల్లో పాటలు రాసి అందరి మన్ననలు పొందుతున్న శ్రీకృష్ణ మొదట సినిమాలపై ఆసక్తితో శ్రీకృష్ణ గ్రిల్లర్స్ అనే ఒక యూట్యూబ్ ఛానల్ స్థాపించి పలు షార్ట్ ఫిలింలు, పాటలు తీశాడు. అంతేకాకుండా తన ప్రయత్నం ఆపకుండా సినిమా రంగంలో కూడా తనకున్న టాలెంట్ తో గేయ రచయితగా రాణిస్తున్నాడు గేయ రచయితగా ”ఏందిరా ఈ పంచాయతీ” అనేది తన మొదటి సినిమా కాగా డైమండ్ డెకాయిట్ అనేది తన రెండవ సినిమా అని తెలిపారు. ఎవరి అండదండలు లేకుండా తనంతట తానుగా కష్టపడుతున్న శ్రీకృష్ణను ఏ2టీవీ న్యూస్ పలకరించగా సినిమాలపై ఆసక్తి కొద్ది మొదటగా సినిమా రంగంలో ప్రయత్నిస్తూ ఆక్రమంలోని శ్రీకృష్ణ గ్రిల్లర్స్ అనే యూట్యూబ్ ఛానల్ స్థాపించి పలు పాటలు లఘు చిత్రాలు తీశానని నా ఆసక్తి గమనించి సినిమాల్లో పాటలు రాసే అవకాశం రావడం అదృష్టంగా భావిస్తున్నానని తెలిపారు. ఏందిరా ఈ పంచాయతీ తన మొదటి సినిమా సాంగ్ కూడా అందరి మన్ననలు పొందడం సంతోషంగా ఉందని, రెండో సినిమా డైమండ్ డెకాయిట్ కూడా తనదైన శైలిలో పాటల ప్రేమికులకు నచ్చడం తనకు మరింత సంతోషాన్ని కలిగించడమే కాకుండా మరిన్ని మంచి పాటలు రాయాలి అన్న బాధ్యత కూడా పెంచిందని ఆయన తెలిపారు. నా రెండవ సినిమా డైమండ్ డెకాయిట్ చిత్రం లో పాట రాసే అవకాశం కల్పించిన మ్యూజిక్ డైరెక్టర్ పెద్దపల్లి రోహిత్ అన్న, సినిమా డైరెక్టర్ సూర్య జి యాదవ్, సినిమా హీరో పార్ధ గోపాల్, ప్రొడ్యూసర్ మునిగోపాల్ లకు ఆయన ప్రత్యేక కృతజ్ఞతలు తెలిపారు. శ్రీకృష్ణ ఇలాగే సినిమా రంగంలో తనదైన ముద్రవేయాలని మనము ఆశిద్దాం.
