కామారం గ్రామంలో పోలీసులు బైక్ ర్యాలీ

–ఆదర్శ గ్రామం కామారం –వాహనదారులకు హెల్మెట్ల పంపిణీ

ఏ2టీవీ న్యూస్, ఏప్రిల్ 18, చిన్న శంకరంపేట ప్రతినిధి( కమ్మరి దేవరాజు)

రోడ్డు భద్రతపై అవగాహనలో భాగంగా శనివారం కామారం గ్రామంలో ప్రత్యేక కార్యక్రమం నిర్వహించారు. ఈ కార్యక్రమానికి రామాయంపేట సీఐ వెంకట రాజా గౌడ్, స్థానిక ఎస్సై నారాయణ గౌడ్, వాహనదారులకు హెల్మెట్లు పంపిణీ చేశారు. హెల్మెట్ లేని ప్రయాణం ప్రాణాంతకరమని, ప్రతి ఒక్కరు నిబంధనలు పాటించాలని సూచించారు. అనంతరం గ్రామంలో భారీ బైక్ ర్యాలీ నిర్వహించి ప్రజలకు వాహనదారులకు అవగాహన కల్పించారు. ఇక్కడ రోడ్లు పెద్దగా ఉండడం వల్ల ప్రమాదాలు జరుగుతున్నాయని, హెల్మెట్, కారు సీట్ బెల్ట్ పెట్టుకుని, తమ ప్రాణాలను కాపాడుకోవాలని తెలిపారు. ఈ కార్యక్రమంలో సర్పంచ్ గడ్డం సుజాత ఉపసర్పంచ్ గడిల సుధాకర్ పాలకవర్గం సభ్యులు పాల్గొన్నారు.